បកិណ្ណកដំបូន្មាន
ស្ដីពីព្យញ្ជនៈ(ក)នឹងស្រះ(ុំ)ផ្សំបានជាពាក្យ(កុំ)
បទពាក្យ៧
នេះពួកតួអក្សរ ”កុំ” ចូរកូននាកកុំបីរាយមាយ
ពាក្យនេះទុកដូចជាសំពាយ ទៅបរលោកនាយគ្រាន់ជាស្បៀង។
កុំគិតរស់ពេកវាបែកបាក់ កុំអោយថ្នាំងថ្នាក់វាបាត់ស្ងួន
កុំខ្ចិលងោយងោកវាថោកខ្លួន កុំអោយវេះពួនវាបាត់មុខ។
កុំមានៈពេកវាបែកមិត្ត កុំអោយទ្រុស្ដស្និទ្ធវាបាត់សុខ
កុំអោយលើកខ្លួនវាផ្ទួនទុក្ខ កុំអោយបាត់មុខវាអប្រិយ៍។
កុំអោយបាត់ស្នេហ៍វាបែរឃ្លាត កុំអោយទ្រុស្ដញាតិវាកើតក្ដី
កុំអោយហ៊ានហួសវាអាយុខ្លី កុំអោយវាយស្រីវាខូចឫក។
កុំអោយស្ងៀមដៃវាធ្លាប់ល្ងង់ កុំអោបជង្គង់វាធ្លាប់ស្ពឹក
កុំអោយយឺតពេកវាទ្រមឹក កុំអោយឆ្មើងឫកគេខ្ពើមស្អប់។
កុំអោយស៊ីច្រើនវាបែកពោះ កុំអោយលេះលោះវាខូចទ្រព្យ
កុំអោយខុសរឿយវាអភ័ព្វ កុំអោយលិបលាប់វាធ្លាប់ចិត្ដ៕
វាយកុំព្យូទ័រដោយ៖
សុផល
កាណាដាថ្ងៃទី២៧ខែវិច្ឆិការឆ្នាំ២០១០ ចែកជូនជាសាធារណៈសម្រាប់ជាចំនេះដឹងដល់កូនខ្មែរគ្រប់រូប ប្រាថ្នាចង់ចេះនឹងស្រាវជ្រាវតាមអ៊ិនធឺណែត។
Facebook
Post a Comment
លោកអ្នកអាចបញ្ចេញមតិនៅទីនេះ តែសូមមេត្តាជៀសវាងប្រើប្រាស់ពាក្យ អសុរសគ្រោតគ្រាធ។ អរគុណ!